कांग्रेस महाधिवेशन : ४३१९ प्रतिनिधि छनोट (नामावलीसहित)
काठमाडौं, २२ मंसिर/नेपाली कांग्रेसको १४औं महाधिवेशनअन्तर्गत मंगलबार चार हजार ३१९ प्रतिनिधि छनोट भएका छन् । कांग्रेस केन्द्रीय निर्वाचन समितिले सार्वजनिक गरेको प्रारम्भिक सूचीअनुसार देशभरबाट चार हजार ३१९ प्रतिनिधि चयन भएका हुन् ।
कांग्रेसको केही जिल्लामा अधिवेशन हुन बाँकी छ । सर्लाहीका प्रतिनिधिको नाम पनि यसमा समेटिएको छैन ।
यसकारण आफ्नै क्षेत्रमा हारे कांग्रेस नेता अमरेश सिंह
सर्लाही, २२ मंसिर/नेपाली कांग्रेसका सांसद नेता अमरेशकुमार सिंह पार्टीकाे महाधिवेशन प्रतिनिधिमै पराजित भएका छन् । १४औँ महाधिवेशनमा केन्द्रमा चुनाव लड्ने तयारीमा रहेका सिंह आफ्नै निर्वाचन क्षेत्र सर्लाही-४ मा पराजित भएका हुन् । सर्लाही-४ मा महाधिवेशन प्रतिनिधिका लागि मंगलबार सम्पन्न मतदानमा प्रदेश २ का महिला बालबलिका मन्त्री वीरेन्द्र प्रसाद सिंह ५१६ मत पाएर प्रतिनिधि बन्दा सिंह २४८ मत पाएर पराजित भए ।
यससँगै केन्द्रमा प्रभाव राख्ने सिंह महाधिवेशन प्रतिनिधिमै पराजित भए । का छन् ।उनी प्यानलसहित पराजित भएका हुन् । मन्त्री सिंहको प्यानलबाट सुरेन्द्रप्रसाद सिंह ५ सय १६, वीरेन्द्रप्रसाद सिंह ५ सय १४, राजेश्वरप्रसाद सिंह ५ सय १४, रघुवीर कार्की ५ सय १३ मतसहित महाधिवेशन प्रतिनिधि बनेका छन् ।क्षेत्रीय सभापतिमा रामआश्रय साह विजयी भएका छन् । साहले ५ सय १६ मत ल्याउदा उनका प्रतिद्वन्द्वी हरेन्द्र सहनीले २ सय २० मत ल्याएका छन् ।
किन हारे सिंह ?
सर्लाही-४ मा क्रियाशील सदस्यता वितरणमा मन्त्री वीरेन्द्रप्रसाद सिंह र सांसद अमरेशकुमार सिंहबीचको टकराव थियो । कांग्रेसलाई नै भोट दिएकालाई क्रियाशील सदस्यता दिँदा अमरेशले विनाकारण लफडा गरेकाे आरोप मन्त्री सिंहले लगाउँदै आएका थिए ।
त्यसैले वडा अधिवेशन पनि निर्धारित समयमा भएन । क्षेत्रीय अधिवेशन पनि ढिलाे गरी भइएकाे छ ।
१३औँ महाधिवेशनमा क्षेत्रमा आफ्नो अनुकुल राजनीतिक अवस्था सिर्जना गरेका अमरेश संघीय संसादमा उम्मेदवारी दिँदा क्षेत्रका बलिया नेतामा पर्थे । उनलाई निर्वाचित गराएपछि विकास निर्माणका काम अगाडि बढ्ने कांग्रेस मतदाताकाे अपेक्षा थियाे । किनकि उनी कांग्रेसमा प्रभाव पार्नसक्ने नेता थिए ।
तर, सांसद बनेपछि उनले मतदाता मात्र हाेइन स्थानीय नेता-कार्यकर्तासँग दूरी बढाए । सर्लाही-४ का नेता श्याम कार्की आफ्नै दम्भका कारण सिंह पराजित भएकाे बताउँछन् । ‘उहाँले कार्यकर्ता र स्थानीयको अपेक्षाभन्दा पनि आफ्नै खुसीमा योजना ल्याउनु भयो । ती योजना नाममा मात्र सम्पन्न भए,’ कार्कीले भने ।
