चैतभित्र हातहतियार बुझाउन तेह्रथुम प्रशासनको निर्देशन
प्रकाश पाक्साँवा/तेह्रथुम, १६ चैत । जिल्ला प्रशासन कार्यालय तेह्रथुमले चैत मसान्तभित्र हातह तियार बुझाउन निर्देशन जारी गरेको छ । सार्वजानिक सूचना जारी गर्दै जिल्ला प्रशासनले इजाजत प्राप्त हातह तियार नजिकैको प्रहरी चौकीमा बुझाउन निर्देशन दिएकाे हाे ।
प्रमुख जिल्ला अधिकारी अनोजकुमार घिमिरेले गृह मन्त्रालयको निर्देशन बमोजिम हातह तियार बुझाउन सूचना जारी गरिएको बताए । स्थानीय तहको निर्वाचनलाई भरपर्दो र विश्वासिलो बनाउन तथा शान्ति सुरक्षा कायम राख्नका लागि जिल्लाभित्र रहेको इजाजत प्राप्त हातहतियार चैतभित्र जिल्ला प्रहरी कार्यालय तथा नजिकैको प्रहरी चौकीमा बुझाउन स्थानीय प्रशासनले सबैमा अनुरोध गरिएकाे छ ।
गृहमन्त्री बालकृष्ण खाणकाे अध्यक्षतामा बसेको केन्द्रीय सुरक्षा समितिको बैठकबाट भएको निर्णयानुसार तोकिएको समय अनुसार हातह तियार नबुझाएमा कानुन बमोजिम कारबाही हुने सूचनामा उल्लेख छ ।
