भोजपुरको साल्पासिलिछोमा कांग्रेसको अग्रता, पछ्याउँदै स्वतन्त्र उम्मदेवार
भोजपुर । भोजपुरको साल्पासिलिछो गाउँपालिकामा नेपाली कांग्रेसले अग्रता लिएको छ ।अहिलेसम्मको मत परिणामअनुसार नेपाली कांग्रेसबाट पालिका अध्यक्षमा उम्मेदवार दिएको महेश राईले २१० मत प्राप्त गरेका छन् ।
उनलाई स्वतन्त्र उम्मेदवार दैलत कुलुङ राईले पछ्याइरहेका छन्् । उनले २०४ मत प्राप्त गरेका छन् भने एमालेका उम्मेदवार शान्ति अधिकारीले १११ मत पाएका छन् ।
बुटवल उपमहानगरमा कांग्रेसका पाण्डेको अग्रता
लुम्बिनी, ३१ वैशाख (रासस) ःस्थानीय तह निर्वाचनको मतगणना रुपन्देहीका पालिकामा प्रारम्भ भएका छन् । जिल्लाको एक मात्र उपमहानगर रहेको बुटवल उपमहानगरको वडा नं १ बाट सुरु गरिएको मतगणनाको प्रारम्भिक परिणामअनुसार नेपाली कांग्रेसले सुरुआती अग्रता लिएको छ ।
उक्त वडामा ४०० मतगणना हुँदा कांग्रेसका नगर प्रमुख पदका प्रत्यासी खेलराज पाण्डेले सुरुआती अग्रता लिनुभएको छ । उहाँले २१५ प्राप्त गर्नुभएको छ भने, राप्रपाका मृगेन्द्रकुमार शेरचनले १७३ र नेकपा (एमाले)का बाबुराम भट्टराइले ७८ मत प्राप्त गर्नुभएको छ ।
त्यसैगरी सिद्धार्थनगर नगरपालिकाको वडा नं १ मा ७९२ मत गणना हुँदा कांग्रेसको ३९१ मत, राप्रपाको १६५ मत र एमालेको ६२ मत रहेको छ । अन्य पालिकाबाट पनि प्रारम्भिक परिणाम आउन थालेका छन् ।
जिल्लामा १६ पालिकामध्ये एक उपमहानगरपालिका, पाँच नगरपालिका र १० गाउँपालिका रहेका छन् । शुक्रबार सम्पन्न मतदानमा जिल्लाभरिमा ७१ प्रतिशत मत खसेको जिल्ला निर्वाचन कार्यालय रुपन्देहीले जनाएको छ ।
