भोजपुरको हतुवागढीमा एमाले उम्मेदवार प्रेमकुमार राईको अग्रता
भोजपुर । भोजपुरको हतुवागढीमा गए राती देखि मतगणना जारी रहेको छ । हाल सम्म वडा नम्बर १ को मत गणना सम्पन्न भइ सकेको छ भने वडा नम्बर ९ र २ को गणना जारी रहेको छ ।
अहिले सम्मको गणनामा नेकपा एमालेका उम्मेदवार प्रेमकुमार राईको अग्रता कायम रहेको छ । पालिका प्रमुखमा राईले ९४४ र गठबन्धनका उम्मेदवार गजेन्द्र बहादुर कार्कीले ८५७ मत प्राप्त गरेका छन् ।
त्यस्तै उपाध्यक्षमा एमालेका उम्मेदवार कमला राईले ८७४ र गठबन्धनका उम्मेदवार सुनिता किरातीले ८९० मत प्राप्त गरेका छन् ।
हतुवागढी १ को वडाध्यक्ष पदमा एमाले उम्मेदवार कुमार बिष्ट निर्वाचित भइ सकेका छन् । १ नम्बर वडाबाट पालिका प्रमुखमा एमाले उम्मेदवार राईले ३७१ र गठबन्धन उम्मेदवार कार्कीले ३८६ मत पाए । उपाध्यक्षमा एमाले उम्मेदवार कमला राईले ३७८ र गठबन्धन उम्मेदवार सुनिता किरातीले ८९० मत प्राप्त गरेका छन् ।
मत गणना जारी रहेको वडा नम्बर ९ को ८०० मत गणना सम्पन्न भइ सक्दा पालिका प्रमुखमा एमाले उम्मेदवार राईले ४१४ र गठबन्धन उम्मेदवार कार्कीले ३४० मत प्राप्त गरेका छन् । त्यस्तै उपाध्यक्षमा कमला राईले ३३९ र सुनिता किरातीले ३९८ मत प्राप्त गरेका छन् ।
सांगुरीगढी गाउंपालिका अध्यक्ष-उपाध्यक्ष दुबैमा एमालेको अग्रता
धनकुटा । धनकुटाको सांगुरीगढी गाउंपालिकामा मत गणना जारी छ । प्राप्त मत परिणाम अनुसार गापा अध्यक्षमा नेकपा एमालेका कुमार जंग याखाले ७८५ मत प्राप्त गरेका छन् भने गठबन्धनबाट नेपाली कांग्रेसका जितेन्द्र राईले ५७६ मत प्राप्त गरेका छन् ।
उपाध्यक्षमा एमालेका मुना राईले ७८५ मत प्राप्त गरेका भने गठबन्घनबाट नेकपा(माओवादी केन्द्र) का प्रेम खड्काले १०७ मत प्राप्त गरेका छन् ।
त्यसागरि वडा नं १ मा एमालेका गोबिन्द लिम्बुले ३८४ र गठबन्धनबाट नेकपा(एकिकृत समाजवादी) का गजेन्द्र लिम्बुले ३०३ मत प्राप्त गरेका छन् भने वडा नं १० मा एमालेका एक बहादुर राईले ४१६ र नेपाली कांग्रेसका राजु राईले २७८ मत प्राप्त गरेका छन् ।
