नेशनल आर्टिष्ट अवार्ड वितरण समारोह भव्य रुपमा सम्पन्न
काठमाण्डौ । साहित्य सरोवर मिडिया प्रा.लिको आयोजनामा संञ्चालीत नेशनल आर्टिष्ट अवार्ड वितरण समारोह भव्य रुपमा सम्पन्न भएको छ ।शनिबार काठमाण्डौको प्रज्ञाभवन कमलादिको सिद्धिचरण हलमा उल्लेखिय कलाकर्मीहरुको उपस्थितीमा कार्यक्रम सम्पन्न भएको हो ।
मनोनयनमा परेका विभिन्न विद्याका अवार्ड बिजेताहरुलाई कार्यक्रमका प्रमुख अतिथी सासंद तथा राप्रपा का अध्यक्ष राजेन्द्र लिङदेनले वितरण गरेका थिए ।
सो समारोहमा ४० जना सम्मानीतलाई समेत कार्यक्रमका प्रमुख अतिथी राजेन्द्रले सम्मान पत्र पुरस्कृत गरेका थिए । कार्यक्रममा र्दिधसाधना सम्मान सहित डि आर उपाध्ययलाई नगद १ लाख राशी सहित पुरस्कृत गरिएको थियो ।
पत्रकारिता क्षेत्रमा योगदान पुयाए बापत सर्वोकृष्ट पत्रकारिता अवार्ड पत्रकार मोहन बस्नेत, लोकप्रिय पत्रकारिता अवार्ड भोजराज थापा र युवा पत्रकारिता सम्मान बाट रविन्द्र थापा र मोफसल पत्रकारिता सम्मान बाट विराटनगरका रंगपत्रकार गोपाल पोखरेललाई सम्मान गरिएको थियो ।
कर्णाली करिडोर एक सातादेखि बन्द
मान्म, १५ साउन (रासस)ः कर्णाली करिडोरअन्तर्गत कालीकोटको पचालझरना गाउँपालिका–८ लाफा सडकखण्ड एक सातादेखि बन्द रहेको छ । दैनिकजसो पानी पर्ने भएका कारणले सडक हिलाम्मे भएपछि यातायात सेवा बन्द भएको हो ।
सडकमा गाडी थन्किएका छन् । लामो समयदेखि आफुहरु बीच बाटोमै अलपत्र परेको ट्रक चालक महावीर खड्काले बताउनुभयो । “म बाजुराका लागि सामान लिएर जादैँ थिए । लाफा सडकखण्ड आइतबारदेखि बन्द छ”, उहाँले भन्नुभयो । हिले सडकमा ढुङ्गा–माटो हाल्दै मालवाहक गाडी पार गराउन हम्मे–हम्मे भएको चालक खड्का बताउनुहुन्छ ।
“हप्ता दिनसम्म सडक बन्द हुँदा कसैले खुलाउन पहल गरेका छैनन्”, पचालझरना गाउँपालिका–७ का कृष्णबहादुर बमले भन्नुभयो । सडक खुलाउनका लागि पहल थालेपनि डोजर नहुँदा समस्या भएको पचालझरना गाउँपालिकाका अध्यक्ष देवजङ्ग शाहीले बताउनुभयो । “सडक खुलाउन सडक डिभिजन कार्यालयसँग समन्वय गरिरहेका छौँ, डोजर आउनासाथ सडक खुलाउने काम हुन्छ”, उहाँले भन्नुभयो ।
