१० औं छिन्ताङ्ग सहिद कप फुटवल प्रतियोगिताको उपाधि सिर्जनशील युवा क्लब सागुरीगढी ८ तातोपानीलाई
धनकुटा । शहिदभुमि गाउँपालिका वडा नं १ मा सञ्चालित १० औं छिन्ताङ्ग सहिद कप फुटवल प्रतियोगिताको उपाधि सिर्जनशील युवा क्लब सागुरीगढी ८ तातोपानीले जितेको छ ।
सिर्जनशील युवा क्लव सागुरीगढी ८ तातोपानी र देउराली युवा क्लव विच भएको फाईनल खेलमा ० को विरुद्ध ६ गोल गर्दै सिर्जनशील युवा क्लवले १० औं छिन्ताङ सहिद कप फुटबल प्रतियोगिताको उपाधि जितेको हो । जित संगै उस्ले नगद १ लाख ५ हजार पुरस्कार प्राप्त गरेको छ ।
त्यस्तै खेलका उपविजेता देउराली युवा क्लबले नगद ५० हजार पुरस्कार पाएको छ । खेलको उत्कृष्ट खेलाडी देउराली युवा क्लबका जर्सि नं १४ का संगम राई , सर्वाधिक गोलकर्ता सिर्जनशील युवा क्लबका जर्सि नं ३० का मिलन लिम्बू घोषितभएका छन् , उनिहरुले नगद ४-४ हजार पुरस्कार प्राप्त गरेकाछन् ।
मितेरी क्लवका अध्यक्ष काशीराम माझीको अध्यक्षतामा सम्पन्न फाईनल खेलका समापन कार्यक्रमका प्रमुख सहिदभुमि गाउपालिका अध्यक्ष मनोज राई रहनु भएको थियो। यस्तै जिल्ला खेलकुद विकास समिति धनकुटा अध्यक्ष मनोज चाम्लिङ्ग जिल्ला फुटवल सँघ अध्यक्ष मनी चेम्जोङ्ग वडाध्यक्षहरुको उपस्थिति थियो ।
कार्यक्रममा लोकतान्त्रिक आन्दोलन २०३६ का वीर सहिद परिवारलाई दोसला ओडाएर सम्मान गरिएको थियो ।
