ओली बुधबार सुनसरी आउने
विराटनगर । नेकपा(एमाले) का अध्यक्ष केपी शर्मा ओली बुधबार सुनसरी आउने भएका छन् । उनी सुनसरीमा हुने आमसभा कार्यक्रममा सहभागी हुन आउने भएका हुन् ।
एमाले प्रदेश १ का कार्यालय सचिव नरेन्द्र बरालका अनुसार अध्यक्ष ओलीले सुनसरी जिल्लाको लोकहीमा आयोजित चुनावी आमसभालाई सम्बोधन गर्ने कार्यक्रम तय गरिएको छ ।
सो आमसभा एमाले सुनसरी जिल्ला निर्वाचन परिचालन समिटीले आयोजना गरेको हो । सो कार्यक्रम बुधवार दिउँसो २ बजे हुने समय निर्धारण गरिएको छ ।
प्रदेश १ मा यो नै एमालेको यसपटकको निर्वाचनमा अन्तिम आमसभा हुनेछ । यसअघि मंसिर १ गते प्रदेश १ का मोरङ, संखुवासभा, पाँचथर जिल्लामा आमसभा गर्ने गरी प्रदेश निर्वाचन परिचालन कमिटीले कार्यक्रम तय गरेको थियो । ती जिल्लाका कार्यक्रमहरु समय अभावले स्थकित गरिएको हो ।
