धनकुटामा जेष्ठ नागरिकका लागि स्वास्थ्य सचेतना
धनकुटा । धनकुटा नगरपालिका ९ नं वडा का जेष्ठ नागरिकहरुलाइ मुटु सम्बन्धि,मिर्गाैला सम्बन्धि र झाडापाखाला सम्बन्धि राेग कसरी लाग्छ ? र यी राेगकाे उचार कसरी गर्न सकिन्छ ? भन्नेबारे जानकारी गराईएकाे छ ।
जेष्ठ नागरिक जिल्ला संघ र जेष्ठ नागरिक संघ धनकुटा नगरपालिका ९ नं वडाकाे संयाेजनमा भएकाे स्वास्थ्य सचेतना सम्बन्धि एक दिवसिय कार्यक्रममा उनिहरुलाई ती राेगहरुकाे बारेमा जानकारी गराईएकाे हाे ।
धनकुटा नगरपालिका वडा नं ९ का वडाध्यक्ष टंक प्रसाद राेईलाकाे प्रमुख अातिथ्य तथा जेष्ठ नागरिक संघ ९ नं अध्यक्ष गजेन्द्र प्रसाद बास्ताेलाकाे अध्यक्षतामा भएकाे कार्यक्रममा जेष्ठ नागरिक जिल्ला संघ धनकुटाका सह-सचिव तिलक प्रसाद राईले मुटु सम्बन्धि,संघका पूर्व जिल्ला जिल्ला सह-सचिव बद्रीनाथ अधिकारीले मिर्गाैला सम्बन्धि र संघका वडा नं ६ का अध्यक्ष एवं जिल्ला सदस्य मानबहादुर पराजुलीले झाडापखाला सम्बन्धि राेग कसरी लाग्छ ? यसका लक्षणहरु कस्ता हुन्छन् ? यस्ता राेगकाे उपचार कसरी गर्न सकिन्छ ? भन्नेबारे जानकारी गराएका थिए ।
साेही अवसरमा जेष्ठ नागरिक संघ ९ नं वडा कार्यसमितीकाे पुन:गठन गरिएकाे छ । पुन:गठित ११ सदस्यी कार्यस मितीकाे अध्यक्षमा गजेन्द्र प्रसाद बास्ताेला, उपाध्यक्षमा सरस्वती घिमिरे,सचिवमा टेकबहादुर राई,सह-सचिवमा दुर्गाबहादुर खड्का र काेषाध्यक्षमा कृष्णराज राय रहेकाछन् । अन्य सदस्यहरुमा प्रेमबहादुर खत्री,वीरबहादुर बस्नेत,दिल्लीराम अाचार्य,रत्नमाया घले,नरमाया प्रधान र भुपेन्द्र महत रहेका छन् ।
पुन:गठित समितिका पदाधिकारी तथा सदस्यहरुलाई जिल्ला सह-सचिव राईले बधाई सहित सफल कार्यकालकाे शूभकामना दिनुभएकाे थियाे ।
