सहिद भिमनारायण गोल्डकप :आज राष्ट्रिय जागृती क्लब सुनसरी र झापा फुटवल क्लव भिड्दै
धनकुटा । धनकुटामा जारी सहिद भिमनारायण गोल्डकप १५ औ संस्करणको फुटबल प्रतियोगिता अन्र्तगत आज राष्ट्रिय जागृती फुटवल क्लब सुनसरी र झापा फुटवल क्लव झापा वीच खेल हुँदैछ । खेल दिउँसो साढे २ बजेदेखी धनकुटा सदरमुकाम तल्लो टुडिखेलमा हुने प्रतियोगिता प्रचारप्रसार समिति संयोजक विदुर खवासले बताउनुभयो ।
पूर्वीपहाडकै प्रतिष्ठित यो प्रतियोगिताको उद्घाटन खेलमा हिजो पेमा युवाक्लव विराटनगर आयोजक टिम धनकुटालाइ ट्राइबेकरमा ४–२ गोल अन्तरले हराउर्दैै सेमिफाईनलमा प्रवेश गरिसकेको छ । निर्धारित समयमा दुवै टिमको दुई दुई गोलको बराबरी भएपछि खेल ट्राइबेकरमा गएको थियो । खेलको ३१ औ मिनेटमा जर्सि नं ९ का खेलाडी आकाश राइले गोल गर्दै आयोजकलाइ अग्रता दिलाएका थिए । त्यसको ५ मिनेट पनि नबित्दै पेमा युवाक्लव विराटनगरका जर्सि नं १३ का बिदेशी खेलाडी ओस्कारले ३६ औ मिनेटमा गोल गर्दै खेललाइ बराबरी बनाए ।
त्यस्तै खेलको ७२ औ मिनेटमा पेमा युवाक्लवका जर्सिन ंनं ३ का प्रसान्त राईले गोल गर्दै आफ्नो टिमलाइ २–१को अबस्थामा पुर्याएका थिए तर खेलको ७७औ मिनेटमा आयोजकको तर्फवाट दिपेन शाक्यले गोल गर्दै खेल बराबरी बनाए । निर्धारीत समयमा खेल बराबरी भएपछि खेल ट्राइबेकरमा धकेलिएको थियो । ट्राइबेकरमा धनकुटाका दुइ खेलाडीले गरेको प्रहार गोल हुन सकेन भने बिराटनगरका एक खेलाडीको प्रहार गोलपोष्ट भन्दा बाहिर गएको थियो ।
प्रतियोगिताको म्यान अफ द म्याच विजेता टिमका कोमल खवास घोषित भए । प्रतियोगितामा आयोजक टिम र पेमा युवा क्लव विराटनगर, सहित प्लानिङ ब्वाईज क्लब काठमाण्डौ,कञ्चनजंगा फुटवल क्लव सिलगुडी भारत, राष्ट्रियजागृती फुटवल क्लव सुनसरी, झापा फुटवल क्लव झापा,एपिएफ काठमाण्डौ र विरगञ्ज युनार्यटेड विरगञ्जको सहभागिता रहेको छ । प्रतियोगिताको विजेताले उपाधि सहित ५ लाख र उप विजेताले २ लाख ५० हजार पाउने गोल्डकप आयोजक समितिका संयोजक सम्भु प्रधानले जानकारी दिनुभयो ।
२०३० सालमा तत्कालिन राजा विरेन्द्रलाई बम हानेका अभियोगमा पक्राउ परेका सहिद भिम नारायण श्रेष्ठलाई २०३५ सालमा मृत्युदण्ड दिएको थियो । सरकारले उहाँलाइ २०७३ सालमा सहिदघोषणा गरेको थियो ।
