धनकुटामा विद्यालय स्तरिय फुटवल प्रतियोगिता हुने
धनकुटा,२३ जेठ । धनकुटा सदरमुकामको तल्लो टुडिखेलमा यहि जेठ २५ गते देखि २८ गते सम्म प्रथम टेकमाइन नेटवर्क विद्यालय स्तरिय फुटवल प्रतियोगिता हुने भएको छ ।
आयोजक नव जागृती यूवा क्लबले आज धनकुटा सदरमुकाममा पत्रकार सम्मेलन गर्दे विद्यालय स्तरिय मैत्री पूर्ण खेल हुने जानकारी गराएको हो । फुटवल प्रतियोगितामा धनकुटा नगरपालिकाका ९ टिम ,पाख्रिवास नगरपालिकाका १ र छथरजोरपाटी गाउँपालिकाको १ टिमको सहभागिता रहने प्रचार समिती संयोजक सफल राईले जानकारी दिनु भयो ।
प्रतियोगितामा प्रथम हुनेले नगद २० हजार, ट्रफि, मेडल र प्रमाण पत्र प्राप्त गर्ने छ त्यस्तै दोस्रो हुनेले नगद १० हजार, ट्रफि, मेडल र प्रमाणपत्र प्राप्त गर्ने छ ।
त्यस्तै अन्य ५ विद्यामा समेत पुरस्कारको व्यावस्था गरिएको आयोजकले जनाएको छ । प्रतियोगिता सम्पन्न गर्न १ लाख ५० हजार रुपैयाँ खर्च हुने अनुमान गरिएको आयोजकले जनाएको छ ।
