धनकुटा र तेह्रथुम जिल्लाका ३७ हजार ५ सय ४४ पशु लम्पी स्किन रोगबाट प्रभावित
धनकुटा,२२ असार । धनकुटा र तेह्रथुम जिल्लाका ३७ हजार ५ सय ४४ पशु लम्पी स्किन रोगबाट प्रभावित भएको भेटेनरी अस्पताल तथा पशुसेवा विज्ञ केन्द्र धनकुटाले जनाएको छ ।
जस मध्ये धनकुटाका २१ हजार ५ सय ५८ पशु संक्रमित भएका छन् त्यस मध्ये २ सय ७५ वटा पशु मरेका छन् भने २ हजार २ सय पशु लाई खोप लगाइएको भेटेनरी अस्पताल तथा पशुसेवा विज्ञ केन्द्र धनकुटाले जनाएको छ ।
त्यस्तै तेह्रथूम जिल्लाका १५ हजार ९ सय ८६ पशु समेत लम्पी स्किन डिजिज बाट प्रभावित भएको जनाइएको छ । त्यस मध्ये १ सय ४४ पशु परेका छन् भने तेह्रथुमका कुनै पनि पशुमा खोप लगाइएको छैन् ।
धनकुटा र तेह्रथुम जिल्लाकै तुलना गर्दा गाई र गोरुमा यो रोगबाट बढी प्रभावित भएका छन् भने भैंसी तथा राँगामा यो रोगको संक्रमण कम देखिएको छ ।
