भारतको ‘ए’ एसीसी इमर्जिङ कपको फाइनलमा, उपाधिका लागि पाकिस्तानसँग खेल्ने
काठमाण्डाै – भारत ‘ए’ एसीसी इमर्जिङ टिम्स एसिया कपकाे फाइनलमा पुगेकाे छ । आज शुक्रवार काेलम्बाेमा भएकाे सेमिफाइनल खेलमा बङ्गलादेश ‘ए’ लाई हराउँदै भारत फाइनलमा पुगेकाे हाे ।
भारतले दिएकाे २ सय १२ रनकाे लक्ष्य पछ्याएकाे बङ्गलादेश ३४ ओभर २ बलमा १ सय ६० रनमै अलआउट भयाे । बङ्गलादेशका तन्जिद हसनले सर्वाधिक ५१ रन बनाए । बलिङतर्फ भारतका निशान्त सिन्धुले ५ विकेट लिए ।
यसअघि टस हारेर ब्याटिङ गरेकाे भारत ४९ ओभर १ बलमा २ सय ११ रन बनाउँदा अलआउट भयाे । भारतका कप्तन याश धुलले सर्वाधिक ६६ रन बनाए । बलिङतर्फ बङ्गलादेशका मेहदी हसन, तन्जिम हसन सकिब र रकिबुल हसनले २/२ विकेट लिए ।
अब भारतले उपाधिका लागि पर्सि आइतवार पाकिस्तान ‘ए’ सँग खेल्नेछ । आजै भएकाे पहिलाे सेमिफाइनलमा श्रीलङ्कालाई हराउँदै पाकिस्तान फाइनलमा पुगेकाे हाे ।
