रास्वपाले गृहमन्त्रीको राजीनामा नमाग्ने
काठमाडौं, साउन ६ । राष्ट्रिय स्वतन्त्र पार्टी (रास्वपा) का सभापति रवि लामिछानेले सुन प्रकरणलाई लिएर रास्वपाले गृहमन्त्रीको राजीनामा नमाग्ने बताएका छन् ।
आज विराटनगरमा पत्रकार सम्मेलन गरी लामिछानेले विमानस्थलबाट सुन तस्करी सेटिङबाटै भइरहेको बताउँदै सुन तस्करीको विषय सरकारकै निकायले पत्ता लगाएको हुनाले अहिलै सरकार विरुद्ध प्रतिक्रिया नदिने बताए । ‘हामी प्रतिक्रियाको दौडमा छैनौं’ लामिछानेले भने ‘अनुसन्धान गर्न , छानविन गर्न समय दिएर मात्रै प्रतिक्रिया दिनेछौं ।’
त्यति ठूलो परिमाणमा सुन विमानस्थलबाट भित्राउन संभव नभएको भन्दै उनले सबै सेटिङमा भएको समेत दाबी गरे
गरे । ‘सेटिङ नभई त्यति ठूलो परिमाणमा सुन विमानस्थलबाट भित्राउन संभव नै छैन ’ लामिछानेले भने‘ सेटिङमा को को संलग्न छन् भन्ने अनुसन्धान आबश्यक छ ।’
सेनाको संख्या घटाउने विषयमा रास्वपा र रास्वपाका नेताहरूले कतै पनि धारणा नराखेको लामिछानेले दाबी गरे।
