एमालेका नेताहरुसँग भेटघाट बढाउँदै झाँक्री
काठमाडौं, ३२ साउन । नेकपा (एकीकृत समाजवादी) की सचिव रामकुमारी झाँक्रीले नेकपा(एमाले) का नेता खिमलाल भट्टराईसँग भेटवार्ता गरेकी छन् ।
पार्टी विभाजनको बेला माधव नेपाललाई बलियो साथ दिएकी झाँक्री अहिले एमालेसँग सन्तुष्ट छिनन् । स्रोतका अनुसार झाँक्री र पार्टी अध्यक्ष माधव कुमार नेपालबीच बोलचाल नै बन्द रहेको छ ।
पछिल्लो समय नेकपा (एस) का प्रभावशाली नेता तथा कार्यकर्ताहरु पुरानै पार्टी (एमाले) मा फर्किरहेको बेलामा झाँक्री र भट्टराईबीचको भेटलाई विशेष रुपमा हेरिएको छ ।
‘विद्यार्थी आन्दोलनको एउटा विशेषता छ । जो जहाँ भएपनि भेटेपछि अपनत्व र हार्दिकताको अनुभूति हुन्छ । आज कमरेड रामकुमारीजीसँग मीठो भेट र संक्षिप्त कुराकानी भयो,’– भट्टराईले भेटवार्ताबारे खुलासा गर्दै सामाजिक सञ्जालमा भनेका छन् ।
