सबै मिलेर देशलाई समृद्धि र विकासतर्फ अघि बढाउनुपर्छ : देउवा
काठमाण्डाै – नेपाली कांग्रेसका सभापति शेरबहादुर देउवाले देशलाई समृद्धि र विकासतर्फ अघि बढाउनुपर्ने बताउनुभएको छ ।
नेपाल निजामती कर्मचारी युनियन राष्ट्रिय भेला तथा विधान अधिवेशनलाई आज शुक्रवार काठमाण्डाैमा सम्बोधन गर्दै सभापति देउवाले कर्मचारी स्थायी सरकार भएकाले कर्मचारीसहित सबै मिलेर देशलाई समृद्धि र विकासतर्फ अघि बढाउनुपर्ने बताउनुभयो । उहाँले अहिले पार्टीका नाम जुनकुनै राखे पनि सबै पार्टी प्रजातान्त्रिक र संविधानअनुसार चलेको बताउनुभयो ।
उहाँले भन्नुभयो, ‘कर्मचारी भनेको स्थायी सरकार हो । हामी भनेको राजनीतिक पार्टी हाे, हामी आउने/जाने हो । त्यसैले वास्तवमा कर्मचारी भनेको स्थायी सरकार हो । सबै मिलेर देशलाई समृद्धितर्फ, विकासतर्फ अघि बढाउनुपर्छ ।’
सभापति देउवाले डेङ्गी सङ्क्रमणलाई ध्यानमा राखेर सरकारले रोकथामका उपायहहरू अवलम्बन गर्नुपर्ने बताउनुभयो ।
