भीम रावलको प्रधानमन्त्रीलाई व्यंग्य – सुनको भारी सुटुक्क नपसोस्, गुणकारी शासन बनोस्
काठमाडौं । नेकपा एमालेका नेता डा. भीम रावलले जग्गा खाने शरणार्थी काण्डहरूले देशकै फजिति नहोस् भन्दै प्रधानमन्त्री पुष्पकमल दाहाल ‘प्रचण्ड’माथि व्यंग्य गरेका छन् । बिहीबार काठमाडौंमा गौरा पर्वको अवसरमा आयोजित कार्यक्रमलाई सम्बोधन गर्दै उनले यस्तो व्यंग्य गरेका हुन् ।
उनले सुनको भारी सुटुक्क नपसोस्, गुणकारी शासन बनोस्, जग्गा खाने शरणार्थी काण्डहरूले देशकै फजिति नहोस् लगायतका कवितांशहरूबाट सरकारको व्यंग्य गरे ।
उनले भने, ‘सुनको भारी सुटुक्क नपसोस्, गुणकारी शासन बनोस्, जग्गा खाने शरणार्थी काण्डहरूले देशकै फजिति नहोस् । आफ्नै भाका लय र लहरले संगीत मीठो बनोस्, कति समृद्ध, सुसंस्कृत देश छ नेपाल संसार सधैँ भनोस् ।’
यस्तै उनले नेपालको संस्कृति भनेको देशको लागि मुटु कलेजो भएको बताए ।
