एमाले गण्डकी प्रदेशको भवन निर्माण गर्न प्रत्येक पार्टी सदस्यबाट ५ सय रुपैयाँ उठाइने
पाेखरा । नेकपा एमाले गण्डकी प्रदेश कमिटीको भवन निर्माण गर्न प्रत्येक पार्टी सदस्यबाट ५ सय रुपैयाँ उठाइने भएको छ ।
एमाले गण्डकी भवन निर्माण कमिटीको बैठकले पार्टीको अत्याधुनिक भवन बनाउने योजनाअनुरुप प्रत्येक पार्टी सदस्यबाट ५ सय उठाइने र सक्नेलाई मुठ्ठी फुकाएर सहयोग गर्न आव्हान गर्ने निर्णय गरेको हो ।
भवन निर्माणका लागी २५ करोड संकलन गर्ने योजना रहेको एमाले गण्डकी इन्चार्ज एवम् एमाले सचिव गोकर्ण विष्टले जानकारी दिए । उक्त भवनमा सभा हल, पार्टी र जनसंगठनको भवन कार्यालय रहने विष्टले सुनाए ।
