ओलीका कारण सर्वदलीय बैठकमा बोलाउँदा पनि बोलाएनन्ः माधव नेपाल
काठमाडौं, ९ भदौ । नेकपा (एकीकृत समाजवादी) का अध्यक्ष माधव कुमार नेपालले सुन तस्करी प्रकरणमा अवरुद्ध भएको संसद् खुलाउने सन्दर्भमा बसेको सर्वदलीय बैठकमा नबोलाएको भन्दै सत्ता गठबन्धनप्रति दुखेसो पोखेका छन् ।
आज (शनिबार) पार्टी निकट अनेरास्ववियूको स्थायी समिति बैठकलाई सम्बोधन गर्दै उनले नेकपा (एमाले) का अध्यक्ष केपी शर्मा ओलीले सर्वदलीय बैठकमा आफ्नो पार्टीलाई निषेध गरेको बताए । ओलीले एकीकृत समाजवादीको मतलब नै नराखेको नेपालले बताए ।
‘सुन तस्करी काण्डको छानविन समितिका छ वटा पार्टी बसे । राष्ट्रिय मान्यता प्राप्त गरेको छैन भन्ने आधारमा टेकेर हामीलाई बोलाउँदा पनि बोलाएनन्,’– उनले भने ।
