संसदीय समितिको सभापतिमा माओवादीबाट माधव सापकोटा र विमला सुवेदी
काठमाडौँ । माओवादी केन्द्रले ‘मिनी पार्लियामेन्ट’को रूपमा रहेको संसदको १० वटा विषयगत समितिमध्ये २ वटामा माधव सापकोटा र विमला सुवेदीलाई सभापति बनाउने भएको छ । सत्ता गठबन्धन दलहरूबीच भएको सहमति अनुसार माओवादी केन्द्रले पूर्वाधार विकास र कानुन, न्याय तथा मानवअधिकार समिति पाएको थियो ।
जसअनुसार सिन्धुपाल्चोक–१ बाट निर्वाचित सांसद माधव सापकोटालाई पूर्वाधार विकास समितिको सभापति बनाउने भएको छ । कानुन, न्याय तथा मानवअधिकार समितिको सभापति नुवाकोटकी बिमला सुवेदीलाई बनाउने निर्णय भएको एक नेताले जानकारी दिए ।
‘माओवादीले पाएको समितिको सभापति टुंगो लागेको छ । यसै विषयमा अन्तिम रूप दिन संसदीय दलमा बैठक बस्दैछ । दलले टुंग्याएपछि मनोनय दर्ताका लागि अगाडि बढ्छौं’, तीन नेताले भने ।
सभापतिको लागि मनोनयन दर्ताका लागि बहान ११ बजेदेखि दिउँसो ४ बजे समय निर्धारण गरिएको छ ।
