एक मतको अन्तरले एमाले बागमतीको सचिव बने नवराज सिलवाल
काठमाडौ। पूर्वएआईजीसमेत रहेका नवराज सिलवालले नेकपा एमाले बागमती प्रदेश कमिटीको सचिवमा एक मतले विजयी भएका छन् ।
अध्यक्षमा पराजित कृष्णप्रसाद दाहालको प्यानलबाट उठेका सिलवालले ५६८ मत ल्याउँका उनका निकटम प्रतिस्पर्धी हस्त पण्डितले ५६७ मत प्राप्त गरे ।
शुक्रबार राति सम्पन्न मतगणनाको अन्तिम परिणाम अनुसार ६९६ मत प्राप्त गर्दै कैलाश ढुंगेल प्रदेश कमिटीको अध्यक्षमा निर्वाचित भएका छन् ।
रामेछापका ढुंगेल बागमती प्रदेश सरकारका पूर्व अर्थमन्त्री समेत हुन् । उनका निकटम प्रतिस्पर्धी कृष्णप्रसाद दाहालले ४३९ मत प्राप्त गरेका छन् ।
उता अध्यक्षमा विजयी कैलाशप्रसाद ढुङ्गेल ६९६ मत ल्याउँदा पराजित दाहालले ४३९ मत मात्रै पाए ।
उपाध्यक्षमा भने ढुंगेल प्यानलका दावादोर्जे लामा विजयी भए । सचिवमा ५६८ मतसहित सिलवाल विजयी हुँदा पण्डितको पक्षमा ५६७ मत पर्यो ।
खुल्ला उपसचिवमा ढुंगेल प्यानलका विजयी हुँदा महिला उपसचिवमा दाहाल प्यानलकी भक्तकुमारी लामाले जित निकालेकी छन् ।
