एमाले कोशी प्रदेश अध्यक्षमा घनश्याम खतिवडा विजयी
विराटमगर । नेकपा एमाले कोशी प्रदेशको अध्यक्षमा घनश्याम खतिवडा विजयी हुनुभएकाे छ ।
सोमबार राति सम्पन्न मतगणनाको परिणाम अनुसार खतिवडा ८२ मतान्तरले अध्यक्षमा विजयी हुनुभएकाे हाे । खतिवडाले ५ सय १२ मत पाउनुभयाे । उहाँका प्रतिष्पर्धी विनोद ढकालले ४ सय ३० मत ल्याउनुभयाे ।
खतिवडा मोरङ क्षेत्र नम्बर-१ बाट निर्वाचित पूर्व सांसद् तथा नेकपा एमाले कोशी प्रदेश सचिवालय सदस्य समेत हुनुहुन्छ । उपाध्यक्षमा धनकुटाका टीकाराम चेम्जोङ सर्वसम्मत निर्वाचित हुनुभएकाे थियाे ।
सचिवमा पाँचथरका राजकुमार भण्डारी, उपसचिवमा झापाकी जलवर्षा राजवंशी र खोटाङका देवान राई विजयी हुनुभएकाे छ । भण्डारी ५ सय २४ मत ल्याएर विजयी हुनुभयाे । राजवंशीले ६ सय २८ मत र देवानले ६ सय १० मत ल्याएर निर्वाचित हुनुभयाे ।
