पाख्रीबास मेयरकप फुटबल,उद्घाटन खेलमा वडा नं ९ र ३ बिजयी
धनकुटा । धनकुटाको पाख्रिबास नगरपालिकामा मेयर कप फुटबल आजबाट सुरु भएको छ ।
नपाको आयोजनामा आजबाट कार्तिक १८ गते सम्म संचालन हुने प्रतियोगितामा नपाका १० वटै वडाहरुको सहभागिता रहेको छ ।
आजको पहिलो खेल समूह “क” बाट वडा नं ६ र ९ का बिच भएको खेलमा वडा ९ ले ६ लाई १-० गोल अन्तरले पराजित गर्यो भने दोस्रो खेल समूह”ख” बाट वडा नं ३ र ४ का बीच भएको खेलमा ३ ले ४ लाई १-० गोल अन्तरले पराजित गर्दै अर्को चरणमा प्रबेश गरेका छन् ।
भोलिको खेल समूह ‘क” अन्तर्गतका वडा नं ७ र १० ,वडा नं १ र ९ तथा समूह’ख” अन्तर्गतका वडा नं २ र ५ र वडा नं ३ र ८ का बीच हुनेछ ।
प्रतियोगितामा विजेता टीमलाई प्रथम पुरस्कार नगद रु. १,००,०००/-, ट्रफी, मेडल र प्रमाणपत्र , दोश्रो पुरस्कार नगद रु. ५०,०००/-, ट्रफी, मेडल र प्रमाणपत्र ,तेश्रो पुरस्कार: नगद रु. २५,०००/-, मेडल र प्रमाणपत्र र चौथो पुरस्कार नगद रु. १५,०००/-, मेडल र प्रमाणपत्र प्रदान गरिनेछ ।
