पाख्रीबास मेयरकप फुटबलको फाइनलमा भोलि वडा नं ८ र ९ भिड्दै
धनकुटा । धनकुटाको पाख्रिबास नगरपालिकामा मेयर कप फुटबल जारी छ ।
नपाको आयोजनामा कार्तिक १५ गते देखि संचालित प्रतियोगिता भोलि सम्पन्न हुनेछ । प्रतियोगितामा नपाका १० वटै वडाहरुको सहभागिता जनाएको थियो ।
आज सम्पन्न सेमिफाइनल खेलमा वडा नं ९ ले १० लाई र वडा नं ८ ले २ लाई पराजित गर्दै वडा नं ९ र ८ फाइनलमा प्रबेश गरेका छन् । प्रतियोगिताको फाइनल खेल भोलि हुनेछ । आजै सम्पन्न खेलमा वडा नं १० ले २ लाई पराजित गर्दै तेस्रो स्थान र वडा नं २ ले चौथो स्थान हासिल गरेका छन् ।
प्रतियोगितामा विजेता टीमलाई प्रथम पुरस्कार नगद रु. १,००,०००/-, ट्रफी, मेडल र प्रमाणपत्र , दोश्रो पुरस्कार नगद रु. ५०,०००/-, ट्रफी, मेडल र प्रमाणपत्र ,तेश्रो पुरस्कार: नगद रु. २५,०००/-, मेडल र प्रमाणपत्र र चौथो पुरस्कार नगद रु. १५,०००/-, मेडल र प्रमाणपत्र प्रदान गरिनेछ ।
