धनकुटाको पाख्रीबासमा हुने “तेस्रो पाख्रीबास कप” फुटबल प्रतियोगिता अब ५ दिन बांकी
धनकुटा । स्वास्थ्यका लागि खेलकुद,राष्ट्रका लागि खेलकुद भन्ने नाराका साथ पाख्रीबास युथ युनाइटेडको आयोजनामा “तेस्रो पाख्रीबास कप फुटबल” हुने भएको छ ।
प्रतियोगितामा आयोजक टीम युथ युनाइटेड,मछिन्द्र एचडी तेह्रथुम,एपिएफ पकाली,विराटनगर सिटी फुटबल क्लव,मरिक फुटबल क्लव धरान,धनकुटा फुटबल क्लव,मुनलैण्ड फुटबल क्लब झापा,प्रकाशपुर फुटबल क्लब सुनसरी गरि जम्मा ८ टीमको सहभागिता रहनेछ ।
आयोजकद्वारा सार्वजनिक गरिए अनुसार प्रतियोगिताको पहिलो खेल मंलिर ६ गते समूह “क” अन्तर्गतका आयोजक टीम र मछिन्द्र एचडी तेह्रथुमका बीच र सोही दिन समूह”ख” अन्तर्गतका मरिक फुटबल क्लव धरान र धनकुटा फुटबल क्लवका बीच हुनेछ ।
प्रतियोगिताको दोस्रो दिन समूह “क” अन्तर्गतका एपिएफ पकाली र विराटनगर सिटी फुटबल क्लव तथा समूह “ख” अन्तर्गतका मुनलैण्ड फुटबल क्लब झापा,प्रकाशपुर फुटबल क्लब सुनसरीका बीच हुनेछ ।
मंसिर ८ गते सेमिफाइनल अन्तर्गतका दुई खेल हुनेछन् भने मंसिर ९ गते फाइनल खेल हुनेछ ।
प्रतियोगिता मंसिर ६ गते सुरु भइ मंसिर ९ गते जालपादेवी माध्यमिक बिद्यालयको खेल मैदानमा सम्पन्न हुने आयोजकले जनाएको छ ।
