“तेस्रो पाख्रीबास कप २०८० “,उद्घाटन खेलमा आयोजक युथ युनाइटेड विजयी
धनकुटा । स्वास्थ्यका लागि खेलकुद,राष्ट्रका लागि खेलकुद भन्ने नाराका साथ पाख्रीबास युथ युनाइटेडको आयोजनामा धनकुटाको पाख्रीबासमा आजबाट “तेस्रो पाख्रीबास कप फुटबल” सुरु भएको छ ।
उद्घाटन खेलमा समूह “क” अन्तर्गत आयोजक टीम युथ युनाइटेड र मछिन्द्र एचडी तेह्रथुमका बिच सम्पन्न भएको खेलमा ०-३ गोल अन्तरले आयोजक टीम विजयी भएको छ ।
खेलको पहिलो हाफमा आयोजक टीमले मछिन्द्र तेह्रथुम विरुद्द ०-१ को अग्रता लिएको थियो भने दोस्रो हाफमा पुन: मछिन्द्र बिरुद्द दवाव बनाउंदै आयोजक टीमले २ गोल गरेको थियो ।
आजै दोस्रो खेल समूह”ख” अन्तर्गतका मरिक फुटबल क्लव धरान र धनकुटा फुटबल क्लवका बीच हुनेछ ।
