‘तेस्रो पाख्रीबास कप २०८०’ फाइनल : पहिलो हाफ गोल रहित बराबरीमा
धनकुटा । धनकुटाको पाख्रिबासमा गत मंसिर ६ गतेबाट “स्वास्थ्यका लागि खेलकुद,राष्ट्रका लागि खेलकुद” भन्ने नाराका साथ संचालन भइरहेको “तेस्रो पाख्रीबास कप फुटबल” मा आज उपाधिका लागि अन्तिम खेल भइरहेको छ ।
उपाधिका लागि आयोजक टीम युथ युनाइटेड र धनकुटा फुटबल क्लवका बीच प्रतिष्पर्धा भइरहेको छ ।
निर्धारित पहिलो हाफमा दुबै टीमबाट कुनै गोल हुन सकेन ।
विजयी प्रथम टिमले नगद १ लाख सहित ट्रफी, मेडल र प्रमाण पत्र पुरस्कार प्राप्त गर्ने छ भने दोश्रो हुने टिमले नगद ५० हजार सहित ट्रफी, मेडल र प्रमाण पत्र पुरस्कार पाउने छ । प्रतियोगिताको वेष्ट प्लेयर,वेष्ट कोच,वेष्ट किपर,हाई स्कोर खेलाडीहरुलाई पनि पुरस्कृत गरिने आयोजकले जनाएको छ ।
प्रतियोगिता पाख्रीबास युथ युनाइटेडको आयोजना तथा पाख्रीवास नगरपालिका र एशियन थाईफुड्स प्रा.लि को प्रायोजनमा भइरहेको हो ।
प्रतियोगितामा आयोजक टीम युथ युनाइटेड,मछिन्द्र एचडी तेह्रथुम,एपिएफ पकाली,विराटनगर सिटी फुटबल क्लव,मरिक फुटबल क्लव धरान,धनकुटा फुटबल क्लव,मुनलैण्ड फुटबल क्लब झापा,प्रकाशपुर फुटबल क्लब सुनसरी गरि जम्मा ८ टीमले सहभागिता जनाएका थिए ।
