धनकुटामा ब्याडमिन्टन प्रतियोगिता
धनकुटा । नेपाल खेलकुद महासंघको १५ औ स्थापनाको अबसरमा धनकुटामा जिल्ला स्तरीय ब्याडमिन्टन प्रतियोगिता आयोजना गरिएको छ ।
नेपाल खेलकुद महासंघ धनकुटाले आयोजना तथा हिले ब्याडमिन्टन क्लबको सहयोगमा हिले स्थीत हिले ब्याडमिन्टन क्लबको हलमा प्रतियोगिता सुरु भएको हो ।
प्रतियोगिता भेट्रान मेन्स डबलमा , मिक्स डबलमा गरि तिन इभेन्टमा खेलाइने आयोजकले जनाएको छ । प्रतियोगितामा मेन्स डबलमा १८, मिक्स डबलमा २२ र भेट्रान्स तर्फ १२ गरि कुल ५२ टिमको सहभागिता रहेको छ ।
प्रतियोगितामा मेन्स डबलमा तथा मिक्स डबलका बिजेता टोलिले उपाधी सहित २५ हजार र दोस्रोले १० हजार तथा भेट्रान तर्फ प्रथम हुनेले २० हजार र दोस्रोले १० हजार हात पार्ने नेपाल खेलकुद महासंघ धनकुटाका अध्यक्ष कृष्ण मल्लले जानकारी दिनुभयो ।
प्रतियोगिता शनिबार सम्म सञ्चालन हुने छ । प्रतियोगिताको उद्घाटन सुक्रबार नेपाल खेलकुद महासंघका केन्द्रिय अध्यक्ष पर्शराम बस्नेतले गर्नु भएको छ ।
