धनकुटामा कोशी प्रदेश स्तरिय अन्तरपालिका महिला फुटबल प्रतियोगिता हुने
धनकुटा,१८ जेठ । धनकुटामा यहि जेठ २० गते देखि २४ गते सम्म कोशी प्रदेश स्तरिय अन्तरपालिका महिला फूटवल प्रतियोगिता आयोजना हुने भएको छ ।
शहिद रामकृष्ण श्रेष्ठ स्मृती प्रतिष्ठानको आयोजनामा कोशी प्रदेश स्तरिय प्रतियोगिता हुन लागेको आयोजकले धनकुटामा आज पत्रकार संमेलन गर्दै जानकारी गराएको हो । कोशी प्रदेशका सुनसरी, मोरङ्ग, झापा र धनकुटाका ७ वटाका टिमको प्रतियोगितामा सहभागिता रहने आयोजक संस्थाका अध्यक्ष इश्वर बहादुर श्रेष्ठले जानकारी दिए ।
प्रतियोगितामा प्रथम हुने टोलीले नगद १ लाख सहित ट्रफि, मेडल र प्रमाण पत्र प्राप्त गर्ने छ भने दोस्रो हुने टोलीले ५० हजार नगद, मेडल र प्रमाण पत्र प्राप्त गर्ने छन् । विद्यागत रुपमा पनि पुरस्कारको व्यावस्था गरिएको आयोजकले जनाएको छ ।
