कोशी प्रदेशमा बैशाख यता डेङ्गीबाट १ हजार २ जना संक्रमित
धनकुटा,१० भदौ । लामखुट्टेको टोकाइ बाट सर्ने डेङ्गी बाट कोशी प्रदेशमा गत बैशाख यता एक हजार दुई जना संक्रमित भएका छन् ।
कोशी प्रदेश स्वाथ्य निर्देशनालय धनकुटाका अनुसार कोशी प्रदेशका १४ जिल्ला मध्ये सबै भन्दा बढी मोरङ्गमा ४ सय १२ जनामा डेङ्गी संक्रमण भएको छ ।
त्यस्तै सुनसरीमा १ सय ९८, झापामा १ सय ४५, धनकुटामा १ सय १ भोजपुरमा ६६, संखुवासभामा ३६ ओखलढुंगामा ३६, इलाममा १७, उदयपुरमा १६, खोटाङ्गमा ५ पाँचथरमा ४ र तेह्रथुममा २ जनामा डेङ्गी संक्रमण देखिएको कोशी प्रदेश स्वाथ्य निर्देशनालय धनकुटाका अधिकृत भरत भण्डारीले जानकारी दिनु भयो ।
डेङ्गीका कारण झापामा १ जनाको मृत्यू भएको समेत निर्देशनालेले जनाएको छ । कोशी प्रदेशको ताप्लेजुङ्ग र सुलुखुम्बुमा भने अहिले सम्म डेङ्गी संक्रमीत नभेटीएको जनाइएको छ ।
केहि बर्ष अघि सम्म गर्मी मौसममा तराईका क्षेत्रमा देखिने डेङ्गी अहिले पहाडी तथा हिमाली जिल्लाहरुमा समेत देखिन थालेको छ ।
