धनकुटामा हात्तीपाइले रोग निवारणका लागि टाक्स २ सर्भे गरिने
धनकुटा,१६ भदौ । स्वास्थ्य तथा जनसंख्या मन्त्रालय कीटजन्य रोग अनुसन्धान तथा तालिम केन्द्र र स्वास्थ्य कार्यालय धनकुटाको संयुक्त आयोजनामा धनकुटामा हात्तीपाइले रोग निवारण सम्बन्धि टाक्स २ सर्भे कार्यक्रमको जिल्ला स्तरीय अभिमुखिकरण गोष्ठी सम्पन्न गरेको छ ।
धनकुटा जिल्लाका ९७ वटा विद्यालका १ र २ कक्षामा अध्यायन गर्ने १ हजार ३ सय ९२ जना विद्यार्थीमा सर्भे गरिनेछ । सबैपालिकाबाट छनौट भएका ९७ विद्यालयमा उक्त टाक्स २ सर्भे टोली पुगेर नमुना परिक्षण गर्ने स्वास्थ्य कार्यलय धनकुटाका प्रमुख योगराज घिमिरेले जानकारी दिनुभयो ।
धनकुटाका विद्यालयमा गरिएको नमुना परिक्षणमा १६ वा १६ भन्दा कम संक्रमित भेटिएमा टाक्स २ पास हुने तर १६ भन्दा बढिमा संक्रमित देखिएमा जिल्लामा पुनः हातिपाईलेको आम औषधी खुवाउनु पर्ने अवस्था आउने उहाँले जानकारी दिनु भयो ।
दिगो विकासको लक्ष्य अनुसार सरकारले सन २०३० सम्म हात्तीपाइले लाइ नेपालबाट निवारण गर्ने लक्ष्य राखेको छ । जिल्ला समन्वय समिति धनकुटाका प्रमुख निरेन तामाङको अध्यक्षतामा कार्यक्रम भएको थियो ।
