रास्वपाको धनकुटा जिल्ला कार्य समिति गठन,सभापतिमा दाहाल
धनकुटा,माघ ५ । राष्ट्रिय स्वतन्त्र पार्टी (रास्वपा) धनकुटा जिल्ला कार्य समिती गठन भएको छ ।
आज धनकुटाको सामुदायिक भवनमा आयोजित भेलाले बालानन्द दाहालको सभापतित्वमा ८ सदस्यीय कार्य समिती गठन गरेको छ ।
समितिको उप सभापतिमा गायत्री कटुवाल , सचिव आशिष तामांग, सह सचिव भुवन थापा र सदस्यहरुमा भैरव याम्फु,ईन्द्र बहादुर पौडेल,सुनिल राई र रुद्र राउत चयन भएका छन ।
त्यसैगरि अन्य बांकी पदमा सभापतिबाट बिधान अनुसार मनोनित गरिनेछन् ।
भेलाले जिल्ला अधिबेशन आगामी बैशाख २०८२ मा गर्ने निर्णय पनि गरेको छ ।
कार्यक्रममा पार्टीका पूर्व प्रवक्ता एवं सांसद मनिष झा र सांसद हरि ढकाल,प्रदेश महामन्त्री लालबिक्रम थापा लगायत जिल्लाका नेता,पदाधिकारीहरुको उपस्थिति रहेको थियो ।
धनकुटा बस पार्कबाट शान्तिपूर्ण र्यालीको आयोजना गर्दै सामुदायिक भवन पुगेर कार्यक्रम सभामा परिणत भएको थियो ।
