उदयपुरको कटारीमा मोटरसाईकल दुर्घटना, चालकको मृत्यु
उदयपुर, फागुन ०४ गते । उदयपुरको कटारी नगरपालिका-१ स्थितमा मोटरसाईकल दुर्घटनाबाट चालकको मृत्यु भएको छ भने मोटरसाईकलमा पछाडी सवार १ जना घाईते भएको छन् ।
फागुन ०३ गते बिहान प्रदेश २-०१-००३ प १३०४ नम्बरको मोटरसाईकल आफै अनियन्त्रित भई सडकबाट करिव १० मिटर तल झरी दुर्घटना हुँदा चालक कटारी-७ घर भई हाल कटारी-४ स्थितमा बस्दै आएका २३ बर्षीय रबिन तामाङको घटनास्थलमानै मृत्यु भएको हो ।
दुर्घटनामा परी घाईते भएका मोटरसाईकल पछाडी सवार सिरहा धनगढीमाईका २३ बर्षीय किरण तामाङको धरान घोपामा उपचार भईरहेको छ ।
