जेन–जी आन्दोलनमा ज्यान गुमाएकाको शोकमा पाख्रिबास नगरले दियो शोक बिदा
धनकुटा,२४ भदौ । ‘जेन–जी’ समूहको प्रदर्शनमा ज्यान गुमाउने युवाको शोकमा धनकुटाको पाख्रिबास महानगरपालिकाले आज (मंगलबार) शोक बिदा दिने निर्णय गरेको छ ।
देशको विकास र सम्वृद्धिको सपना बोकी भविष्यका कर्णधारका रूपमा रहेका “Gen-Z” समूहका युवाहरु भष्ट्राचार र वेथिती विरुद्ध खबरदारी गर्दै आफ्नो आवाज सरकारसमक्ष पुऱ्याउन हिजो भएको आन्दोलनमा १९ जना होनाहार युवाहरु गुमाएको छ भने ४२२ जना भन्दा बढी युवाहरु घाइते भई उपचाररत हुनुहुन्छ ।
यस दुखद् घडीमा मृतकहरुप्रति हार्दिक श्रद्धाञ्जली एवम् शोक सन्तप्त परिवारजनप्रति हार्दिक समवेदना प्रकट गर्नुका साथै उपचाररत घाइतेहरुको शीघ्र स्वास्थ्यलाभको कामना गर्दै आज मिति २०८२/०५/२४ गते मंगलबार १ (एक) दिन यस नगरपालिकाले आन्दोलनमा ज्यान गुमाउने महान युवाहरुको सम्मानमा नगर क्षेत्रभित्र शोक बिदा दिइएको व्यहोरा अनुरोध छ,नपा प्रमुख ज्ञान बहादुर गुरुंग हस्ताक्षरित सुचनामा उल्लेख छ ।
आज पाख्रीबास नगर कार्यपालिकाको कार्यालय, वडा कार्यालयहरु, स्वास्थ्य संस्थाहरु, शैक्षिक संस्थाहरु र अन्तर्गतका कार्यालयहरुमा अत्यावश्यक सेवा बाहेकका सेवाहरु बन्द हुने व्यहोरा पनि उल्लेख गरिएको छ ।
हेर्नुहोस् सुचना-
देशको विकास र सम्वृद्धिको सपना बोकी भविष्यका कर्णधारका रूपमा रहेका “Gen-Z” समूहका युवाहरु भष्ट्राचार र वेथिती विरुद्ध खबरदारी गर्दै आफ्नो आवाज सरकारसमक्ष पुऱ्याउन मिति २०८२/०५/२३ गते भएको आन्दोलनमा १९ जना होनाहार युवाहरु गुमाएको छ भने ४२२ जना भन्दा बढी युवाहरु घाइते भई उपचाररत हुनुहुन्छ । यस दुखद् घडीमा मृतकहरुप्रति हार्दिक श्रद्धाञ्जली एवम् शोक सन्तप्त परिवारजनप्रति हार्दिक समवेदना प्रकट गर्नुका साथै उपचाररत घाइतेहरुको शीघ्र स्वास्थ्यलाभको कामना गर्दै आज मिति २०८२/०५/२४ गते मंगलबार १ (एक) दिन यस नगरपालिकाले आन्दोलनमा ज्यान गुमाउने महान युवाहरुको सम्मानमा नगर क्षेत्रभित्र शोक बिदा दिइएको व्यहोरा अनुरोध छ । उक्त दिन पाख्रीबास नगर कार्यपालिकाको कार्यालय, वडा कार्यालयहरु, स्वास्थ्य संस्थाहरु, शैक्षिक संस्थाहरु र अन्तर्गतका कार्यालयहरुमा अत्यावश्यक सेवा बाहेकका सेवाहरु बन्द हुने व्यहोरा सम्बन्धित सबैको जानकारीका लागि यो सूचना प्रकाशित गरिएको छ ।
ज्ञान बहादुर गुरूङ
नगर प्रमुख
