सिंहदरबार जलिरहँदा खुसी मनाएको फोटो ‘भाइरल’ भएपछि रक्षा बमले भनिन्– कारबाहीको लागि तयार छु
काठमाडौ । जेन–जी आन्दोलनकी अगुवा रक्षा बमले गत २३ र २४ भदौमा भएको आन्दोलनमा हरेक फौजदारी कसुर हुने घटनामा कारबाही गर्न सरकारसमक्ष अनुरोध गरेकी छन् ।
जेन–जी आन्दोलनलाई जोडेर आफूमाथि लागेका आरोपको खण्डन गर्न बुधबार राति सार्वजनिक गरिएको भिडियो सन्देशमा बमले आन्दोलनका क्रममा भएका हरेक फौजदारी कसुरका घटनामा कारबाही गर्न सरकार तयार हुनुपर्ने बताइन् । उनले आफू पनि कसुरदार ठहर भए कारबाही भोग्न तयार रहेको उल्लेख गरेकी छन् ।
२४ भदौमा सिंहदरबार जलिरहँदा बमले सडकमा उभिएर खुसी मनाएकी थिइन् । त्यो फोटो सामाजिक सञ्जालमा ‘भाइरल’ छ । बमले भिडियो सन्देशमा यसबारे स्पष्टीकरण दिएकी छन् ।
