धनकुटाबाट विराटनगरतर्फ जांदै गरेको पिकअप धरानमा दुर्घटना हुंदा एक जनाको मृत्यु,११ घाइते
सुनसरी । धरानमा पिकअप दुर्घटना हुंदा एकजनाको मृत्यु भएको छ भने ११ जना घाइते भएका छन् ।
धरान उपमहानगरपालिका–१३ शिवधारा नजिक आज (शनिवार) साँझ धनकुटाबाट विराटनगरतर्फ आउँदै गरेको प्रदेश–१–०२–०० च ३८२६ नम्बरको पिकअप ब्रेक आफैँ अनियन्त्रित भई दुर्घटना भएको हो ।
दुर्घटनामा मृत्यु हुनेको पहिचान भइसकेको छैन । घाइतेमध्ये एक जनाको अवस्था गम्भीर छ।
सबै घाइतेलाई उपचारका लागि बीपी कोइराला स्वास्थ्य विज्ञान प्रतिष्ठान लगिएको र घटनाबारे थप अनुसन्धान भइरहेको प्रहरीको भनाइ छ ।
घाईतेहरुको विवरण्हरु:
१. ईटहरी उमनपा ५ बस्ने वर्ष ४० को संजय पाल
२. दुहबी नपा ९ बस्ने वर्ष १९ को एम डि एकबाल राईन
३. मोरङ जिल्ला विराटनगर मनपा ७ बस्ने वर्ष २६ को रोशन कामत
४.ईटहरी उमनपा १ बस्ने वर्ष २० को दुर्गामणि चौधरी
५. ईटहरी उमनपा ४ बस्ने वर्ष १८ को शुभम रौनियार
६.. ईटहरी उमनपा २ बस्ने वर्ष १८ को प्रदिप कुमार दास
७. मोरङ जिल्ला विराटनगर मनपा ९ बस्ने वर्ष २२ को विशाल माझि
८. दुहबी नपा ६ बस्ने वर्ष २१ को आयुष चौधरी
९. मोरङ जिल्ला विराटनगर मनपा ९ बस्ने वर्ष २२ कि बेदा मिश्र
१०. उदयपुर जिल्ला ताप्ली गापा २ बस्ने वर्ष २८ को जीवन कुमार श्रेष्ठ (चालक)
११. मोरङ जिल्ला विराटनगर मनपा २ बस्ने वर्ष २६ कि अनु कामत
१ जनाको मृत्यु भएको निजको विवरण खुल्न नसकेको ।
