मोरङको लेटाङबाट लागुऔषध कारोबारमा संग्लग्न एक जना पक्राउ
मोरङ । मोरङको लेटाङबाट प्रहरीले २४ वर्षीय धीरज न्यौपानेलाई पक्राउ गरेको छ ।
लेटाङ नगरपालिका–५ खेरुवा घर भएका न्यौपानेलाई प्रहरीले बिहीबार बिहानका राति पक्राउ गरेको हो ।
खेरुवा कुपटोलमा लागुऔषधको कारोबार भइरहेको विशेष सूचनाका आधारमा इलाका प्रहरी कार्यालय लेटाङबाट असई अशोककुमार मेहताको नेतृत्वमा खटिएको टोलीले न्यौपानेलाई पक्राउ गरेको मोरङ प्रहरी प्रवक्ता डीएसपी कोपिला चुँडालले बताइन् ।
उनका अनुसार घरअगाडिको बाटोदेखि पक्राउ परेका न्यौपानेको साथबाट लागुऔषध खैरो हेरोइन (ब्राउन सुगर) ९ ग्राम बरामद भएको छ । उनीविरुद्ध लागुऔषध ऐनअन्तर्गतको मुद्दा चलाउने प्रहरीको तयारी छ ।
