दमक स्थित इन्द्रेणी तालमा आन्तरिक पर्यटकहरूको भीड बढ्दै
झापा । झापाको दमक–१० स्थित इन्द्रेणी तालमा पछिल्लो समय आन्तरिक पर्यटकहरूको भीड बढ्न थालेको छ ।
दमक क्षेत्रमा घुमफिरका लागि सीमित स्थानहरू रहेका बेला इन्द्रेणी तालमा बोट सञ्चालन सुरु भएपछि यहाँ आउने पर्यटकको संख्या उल्लेख्य रूपमा बढेको हो ।
ताल आसपास स्थानीयहरूले विभिन्न किसिमका साना पसल सञ्चालन गर्दै आएका छन्, जसबाट उनीहरूले राम्रो आम्दानीसमेत गरिरहेका छन् ।
छुट्टी तथा फुर्सदको समयमा घुम्न आउनेहरूको आकर्षण बढ्दै जाँदा इन्द्रेणी ताल दमकको नयाँ आन्तरिक पर्यटन गन्तव्यका रूपमा स्थापित हुँदै गएको छ ।
