मोरंगको जाँतेमा श्रम संस्कृतिको उदाहरणीय अभ्यास, आजको श्रमदानमा २ लाखको सामग्री सहयोग
मोरंग । लेटाङ नगरपालिका वडा नं. ८ जाँतेमा आज श्रमदान कार्यक्रम आज सम्पन्न भएको छ। नोबेल बोर्डिङदेखि भूपू चोकसम्मको सडक क्षेत्रमा फोहोर संकलन, पिच रोडको छेउमा झाडीले ढाकेको भाग खनेर सफा गर्ने तथा सरसफाइ कार्य गरिएको थियो।
यस अवसरमा लेटाङ–८ जाँते घर भई हाल काठमाडौँमा बसोबास गर्दै आउनुभएका समाजसेवी पूर्ण बहादुर राईले वडा समितिलाई करिब २ लाख रुपैयाँ बराबरका श्रममा प्रयोग हुने बेल्चा, हसिया, ग्लोभलगायत सामग्री सहयोग प्रदान गर्नुभएको छ।
उक्त श्रमदान कार्यक्रममा करिब ६० जना स्थानीय युवा, तन्नेरी, महिला, वृद्धवृद्धा तथा बालबालिकाको सक्रिय सहभागिता रहेको थियो।
कार्यक्रममा सबै जाति र वर्गबीचको एकता तथा सामूहिक श्रम संस्कृतिको सशक्त सन्देश प्रवाह भएको सहभागीहरूले बताएका छन्।-लेटांग खबर
