आज तामाङ समुदायको सोनाम ल्होसार मनाइंदै,धनकुटाको हिलेमा बृहत सांस्कृतिक कार्यक्रमको आयोजना
धनकुटा । तामाङ समुदायले प्रत्येक वर्ष माघ शुक्ल प्रतिपदाका दिन मनाउने सोनाम ल्होसार अर्थात् नयाँ वर्ष पर्व आज विविध कार्यक्रम गरी मनाउँदै छन् ।
मञ्जुश्री पात्रो अनुसार आजदेखि २८६२ औँ वर्ष सुरु भएको छ ।
आजदेखि सर्प वर्ष पूरा गरी घोडा वर्ष प्रवेश हुन्छ । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ ।
सोही अवसरमा आज धनकुटा नगरपालिका १ हिलेमा नेपाल तामाङ घेदुङ, जिल्ला समन्वय समिति धनकुटाको आयोजनामा बृहत सांस्कृतिक कार्यक्रमको आयोजना गरिएको छ ।
