सोलुखुम्बुमा ट्रक दुर्घटना
सोलुखुम्बु । सोलुखुम्बुको सोलु दुधकुण्ड नगरपालिका–११ बरडाँडा स्थित भित्री कच्ची सडक खण्डमा ट्रक दुर्घटना भएको छ।
आइतबार दिउँसो करिब १ ः४० बजेको समयमा नेचासल्यान गाउँपालिका–२ दोदीबाट इटहरीतर्फ उत्तिसको काठ बोकी जाँदै गरेको प्रदेश १–०२–००२ ख ००१५ नम्बरको ट्रक आफैँ अनियन्त्रित भई सडकमा पल्टिँदा दुर्घटना भएको जिल्ला प्रहरी कार्यालय सोलुखुम्बुका सुचना अधिकारी विकास राइले जानकारी दिनुभयो ।
उहाँका अनुसार दुर्घटनाको खबर प्राप्त हुनासाथ प्रहरी टोली तत्काल घटनास्थलमा खटिएको थियो। उक्त ट्रक चालक जिल्ला संखुवासभा मादी नगरपालिका–५ ओखरबोटे बस्ने अन्दाजी ३४ वर्षीय जितबहादुर तामाङ रहेको जनाइएको छ ।
दुर्घटनामा कुनै पनि मानवीय क्षति नभएको, सडक आवागमन अवरुद्ध नभएको र ट्रकमा सामान्य क्षति मात्र पुगेको जनाइएको छ । दुर्घटनाग्रस्त ट्रक हाल घटनास्थलमै रहेको छ भने आवश्यक प्रक्रिया अगाडि बढाइएको प्रहरीले जानकारी दिएको छ ।-सोलु एफएम
