विराटनगरमा माछा मार्ने क्रममा करेन्ट लागेर १३ वर्षीय बालकको मृत्यु
विराटनगर । विराटनगर–१ पोखरिया निवासी १३ वर्षीय बालक आर्यन ठाकुरको सिंघिया नदीमा माछा मार्ने क्रममा करेन्ट लागेर मृत्यु भएको छ।
माछा मार्ने क्रममा अचानक करेन्ट लाग्दा गम्भीर घाइते भएका आर्यनको उपचारको क्रममा ज्यान गएको जनाइएको छ।
मृतक बालकको शव पोस्टमार्टमका लागि कोशी अञ्चल अस्पताल ल्याइएको उनका बुबा रोहित ठाकुरले जानकारी दिएका छन्।
घटनाबारे थप अनुसन्धान भइरहेको सम्बन्धित निकायले जनाएको छ।
