धनकुटामा अटो दुर्घटना,६ जना घाइते
धनकुटा,१६ माघ । धनकुटामा अटो दुर्घटना हुंदा ६ जना घाइते भएका छन् ।
आज बेलुका करिब ६ बजे बजे जिल्लाको धनकुटा नगरपालिका ४ छारागाउ पिपलडाँडा स्थित भित्री सडक खण्डमा सान्ताङबाट थोका तर्फ जाँदै गरेको प्रदेश१-०२-००२ह८६६९ नम्बरको अटो आफै अनियन्त्रित भई बाटोबाट अन्दाजी २० मिटर तल खसेर दुर्घटना भएको जिल्ला प्रहरी कार्यालय धनकुटाका प्रनाउ ज्ञान कुमार महतोले जानकारी दिए ।
दुर्घटनामा घाइते हुनेमा अटो चालक धनकुटा नपा-४ बस्ने वर्ष अन्दाजी ३८ बर्षिय पञ्चलाल राई, वर्ष २७की सपना राई,वर्ष २६की लजु राई,वर्ष ५८को प्रेम बहादुर राई, बर्ष २ की अमिम्सा राई र लोकेन्द्र राई रहेका छन् ।
सबै घाईतेहरुलाई जिल्ला अस्पताल धनकुटामा ल्याई उपचार भई रहेकोमा घाइते भएका अटो चालक पञ्चलाल राई र प्रेम बहादुर राई सामान्य उपचार पश्चात सिटि स्क्यानको लागी बिपि कोईराला स्वास्थ्य बिज्ञान प्रतिष्ठान घोपा धरान रेफर गरिएको छ ।
अटो घट्ना स्थलमा नै रहेको प्रहरीले जनाएको छ ।
