प्रधानमन्त्री बालेन शाहले भने – ढुक्क हुनुस् !
काठमाडौं । प्रधानमन्त्री बालेन शाह ले पछिल्लो समय सार्वजनिक समारोह तथा औपचारिक कार्यक्रमहरूमा सम्बोधन नगर्ने क्रमलाई निरन्तरता दिएका छन् ।
प्रधानमन्त्री बनेयता उनले संसद् बैठकलाई एकपटक पनि सम्बोधन गरेका छैनन् । शुक्रबार मनाइएको गणतन्त्र दिवसको मुख्य समारोहमा उपस्थित भए पनि उनले कुनै सम्बोधन गरेनन् ।
प्रधानमन्त्री शाहले आफ्ना धारणा र अभिव्यक्ति प्रायः सामाजिक सञ्जालमार्फत सार्वजनिक गर्दै आएका छन् ।
यसैबीच शुक्रबार साँझ उनले सामाजिक सञ्जालमा छोटो सन्देश पोस्ट गर्दै “ढुक्क हुनुस्” लेखेका छन् ।
उनको उक्त पोस्ट विभिन्न कोणबाट व्याख्या भइरहेको छ । शुक्रबार नै संघीय संसद्को संयुक्त बैठकमा आगामी आर्थिक वर्षको बजेट प्रस्तुत गरिएको थियो । त्यसपछि प्रधानमन्त्रीको पोस्टलाई बजेट कार्यान्वयनसँग जोडेर समर्थकहरूले सकारात्मक टिप्पणी गरेका छन् ।
यद्यपि प्रधानमन्त्री शाहले उक्त सन्देश कुन सन्दर्भमा लेखेका हुन् भन्नेबारे थप स्पष्ट पारेका छैनन् । त्यसैले “ढुक्क हुनुस्” भन्ने अभिव्यक्तिलाई लिएर सामाजिक सञ्जालमा विभिन्न अड्कलबाजी र प्रतिक्रिया देखिएका छन् ।
