रास्वपा सभापति लामिछाने भारत प्रस्थान
काठमाडौं, १८ जेठ । राष्ट्रिय स्वतन्त्र पार्टीका सभापति रवि लामिछाने भारत प्रस्थान गरेका छन् ।
भारतीय जनता पार्टीका निमन्त्रणामा आज उनी छिमेकी मुलुक भारततर्फ प्रस्थान गरेका हुन्
उनीसँगै पत्नी निकिता पौडेलसहित सभापति लामिछानको विश्वास पात्र नेता बिपिन आचार्य र दिपक बोहोरा पनि साथमा जाँदैछन् । सभापति लामिछाने जुन ५ मात्रै स्वदेश फर्कने छन् ।
स्रोतहरूका अनुसार भारतीय प्रधानमन्त्री नरेन्द्र मोदीका साथै सभापति लामिछानेले विदेशमन्त्री एस जयशंकर, राष्ट्रिय सुरक्षा सल्लाहकार अजित डोभल, सडक यातायात तथा राजमार्ग मन्त्री नितिन गडकरी, विदेश सचिव विक्रम मिश्री र भाजपा अध्यक्ष नितिन नवीन लगायतलाई भेट्ने कार्यक्रम तय भएको बुझिएको छ ।
जुन २ मा नयाँ दिल्लीमा औपचारिक बैठकहरू समाप्त गरे पछि लामिछानेले भारतको एक प्रतिष्ठित स्थान अयोध्याको भ्रमण गर्नेछन् भने स्वतन्त्र पार्टी र भारतीय सत्तारूढ पार्टी भाजपा बीचको पार्टी–पार्टी सम्बन्धमा केन्द्रित भेटघाट हुनेछ । सबै आधिकारिक बैठकहरूमा नेपाली कूटनीतिज्ञहरू उपस्थित हुने जनाइएको छ ।
लामिछानेका धेरैजसो बैठकहरू जुन २ मा समाप्त हुनेछन् र बाँकी तीन दिन निजी समयको रूपमा रहे पनि ५ जुनमा भने उनले भारतमा रहेका प्रवासी नेपालीहरूसँग सम्बाद र छलफल गर्नेछन्
