राज्य ब्यवस्था समितिले तीन उपसमिति बनाउने
काठमाडौं, २२ जेठ । संघीय संसद अन्तर्गत एक समितिको बैठक बस्दैँछ ।
संघीय संसद सचिवालय, सिंहदरवार परिसरमा उक्त बैठक बस्नेछ ।
जसअनुसार राज्य व्यवस्था तथा सुशासन समितिको बैठक अपरान्ह १ः०० बजेवाट सुरू हुनेछ ।
जुन बैठकमा अघिल्ला बैठकको निर्णय कार्यान्वयन प्रगति जानकारी सम्बन्धमा छलफल गरिनेछ भने उपसमितिहरू पनि गठन गरिने भएको छ । जसअनुसार समितिको बैठक सञ्चालन कार्यविधि तयारी उपसमिति, समितिमा परेका विभिन्न उजुरी अध्ययन उपसमिति, समितिको कार्यक्षेत्र अन्तर्गतका मन्त्रालय एवम् निकायहरूको कामकारवाही अध्ययन एवम् निगरानी उपसमिति गरी तीन उपसमिति गठन हुनेछन ।
साथै, समितिको कार्यक्षेत्रमा पर्ने विभिन्न निकायहरूको स्थलगत अनुगमन गर्ने सम्बन्धमा पनि छलफल गरिने भएको छ ।
