संखुवासभामा बाढी–पहिरोले सडक अवरुद्ध
संखुवासभा । संखुवासभाको पाँचखपन नगरपालिका अन्तर्गत चैनपुर–वाह्रविसे सडक खण्डको अधेरी खोलामा मंगलबार बिहान आएको बाढी र पहिरोले सडक पूर्ण रूपमा अवरुद्ध भएको छ।
सडक बन्द भएपछि वाना माध्यमिक विद्यालयका विद्यार्थीहरू परीक्षा दिन विद्यालय पुग्न नसकी घर फर्किन बाध्य भएका छन्।
स्थानीयले तत्काल सडक खुलाउन र विद्यार्थीहरूको परीक्षाबारे आवश्यक समन्वय गर्न सम्बन्धित निकायसँग माग गरेका छन्।
