पथरीशनिश्चरेका युवाको अमेरिकामा निधन
मोरङ । पथरीशनिश्चरे नगरपालिका–१० स्थायी घर भएका बिदुर निरौलाको अमेरिकामा उपचारका क्रममा निधन भएको छ।
उनको बिहीबार ४० वर्षको उमेरमा असामयिक निधन भएको हो।
करिब १० दिनअघि अमेरिकामा पौडी खेल्ने क्रममा पौडी पोखरीमा दुर्घटनामा परेर गम्भीर घाइते भएका निरौलाको उपचार भइरहेको थियो। उपचारकै क्रममा उनको निधन भएको पारिवारिक स्रोतले जनाएको छ।
करिब ८ वर्षअघि रोजगारी तथा भविष्य निर्माणका लागि अमेरिका पुगेका निरौलाको असामयिक निधनको खबरले परिवार, आफन्त तथा पथरीशनिश्चरेवासीलाई शोकमा डुबाएको छ।
मृतक बिदुर निरौला डाँस मोरङी सामुदायिक वन उपभोक्ता समूहका अध्यक्ष हरि निरौलाका दाजु हुन्।
