जेन्जी आन्दोलनका क्रममा झुम्का कारागारबाट फरार लागुऔषध मुद्दाका कैदी पक्राउ
सुनसरी । सुनसरी प्रहरीले जेन्जी आन्दोलनका क्रममा झुम्का कारागारबाट फरार भएका लागुऔषध मुद्दाका एक कैदीलाई पक्राउ गरेको छ।
पक्राउ पर्नेमा धरान उपमहानगरपालिका–११ निवासी २५ वर्षीय रन्जित विक (कोक्लेटो) रहेका छन्। उनलाई लागुऔषध मुद्दामा सम्मानित सुनसरी जिल्ला अदालतले ८ वर्ष कैद सजाय सुनाएको थियो।
सजाय भुक्तानका क्रममा रहेका विक जेन्जी आन्दोलनका बेला झुम्का कारागारबाट फरार भएका थिए।
फरार रहेका उनलाई प्रहरीले पक्राउ गरी आवश्यक कानुनी प्रक्रिया अघि बढाएको जनाएको छ।
