इटहरीबाट बैंकिङ कसुर मुद्दाका फरार प्रतिवादी पक्राउ
सुनसरी । सुनसरी प्रहरीले बैंकिङ कसुर मुद्दामा फरार रहेका एक प्रतिवादीलाई पक्राउ गरेको छ।
नेपाल प्रहरी प्रदेश कार्यालय धरान र इलाका प्रहरी कार्यालय इटहरीबाट संयुक्त रूपमा खटिएको प्रहरी टोलीले मंगलबार बिहान बराहक्षेत्र नगरपालिका–५ घर भई हाल इटहरी उपमहानगरपालिका–५ बस्दै आएका ३८ वर्षीय मुक्तिनाथ दाहाललाई इटहरी–१ आँपगाछीबाट पक्राउ गरेको हो।
सम्मानित उच्च अदालत इलामको २०७९ असार ३० गतेको फैसलाअनुसार दाहालले बैंकिङ कसुर मुद्दामा ८ लाख ४० हजार रुपैयाँ बिगो र ४२ हजार रुपैयाँ जरिवाना भुक्तान गर्न बाँकी रहेको प्रहरीले जनाएको छ।
पक्राउ परेका दाहाललाई आवश्यक कानुनी कारबाहीका लागि इलाका प्रहरी कार्यालय इटहरीमा ल्याई झापा जिल्ला अदालतमा पठाइएको जिल्ला प्रहरी कार्यालय सुनसरीले जनाएको छ।
