माइक्रोबस दुर्घटना हुँदा १० जनाको मृत्यु ,५ जना घाइते
मकवानपुर । मकवानपुरको भीमफेदीमा यात्रुवाहक माइक्रोबस करिब ५०० मिटर तल भिरमा खस्दा चालकसहित १० जनाको मृत्यु भएको छ भने पाँच जना घाइते भएका छन्।
आज बिहान करिब ५:४५ बजे भीमफेदी गाउँपालिका–६ चिसापानी गढीस्थित भीमफेदी–कुलेखानी–काठमाडौं सडकखण्डमा काठमाडौंबाट सर्लाहीतर्फ जाँदै गरेको मधेस प्रदेश ०३–००१ ज ०८८० नम्बरको माइक्रोबस दुर्घटनामा परेको हो।
प्रारम्भिक विवरणअनुसार माइक्रोबसमा चालकसहित १५ जना सवार थिए। दुर्घटनामा चालकसहित १० जनाको मृत्यु भएको र पाँच जना घाइतेको उद्धार गरिएको छ।
घाइतेहरूको उद्धार गरी उपचारका लागि पठाइएको छ भने मृतक तथा घाइतेहरूको पहिचान र दुर्घटनाको विस्तृत विवरण आउन बाँकी रहेको छ।
